16. maí 13:43
Telma Lind til Keflavíkur

Telma Lind Ásgeirsdóttir snýr aftur í lið Keflavíkur í körfu en hún hefur leikið með Breiðabliki frá árinu 2016. Telma er 24 ára gömul og var hún með 9 stig, 3 fráköst og 3 stoðsendingar að meðaltali í 28 leikjum með Breiðablik í Domino’s-deild kvenna á síðasta tímabili. Karfan.is greinir frá þessu.
Telma er uppalin hjá Keflavík en hún lék með liðinu alla yngri flokkana og síðan með meistaraflokki, hún lék sinn fyrsta meistaraflokksleik árið 2009.