Stjarnan knúði fram oddaleik gegn Keflavík
Keflvíkingar gátu tryggt sér farseðilinn í úrslitaleikinn gegn Njarðvík í Subway-deild kvenna í körfuknattleik í gær en tap fyrir baráttuglöðum Stjörnukonum varð til þess að einvígið fer í oddaleik.
Stjörnukonur lögðu allt í sölurnar og uppskáru eftir því en deildarmeistarar Keflavíkur voru ekki nálægt því að sýna sitt rétta andlit.
Stjarnan - Keflavík 73:68
(30:19 | 12:23 | 23:20 | 21:17)
Stjarnan byrjaði af miklum krafti og náði ellefu stiga forskoti í fyrsta leikhluta (30:19) en Keflvíkingar áttu góða endurkomu í öðrum leikhluta og þegar gengið var til hálfleiks var staðan orðin jöfn (42:42).
Seinni hálfleikur var ekki jafn sveiflukenndur og sá fyrri en áfram börðust Stjörnukonur og höfðu þriggja stiga forystu þegar fjórði leikhluti fór af stað (65:62). Þær gerðu svo út um leikinn með því að auka forystuna og lauk leiknum með sjö stiga sigri Stjörnunnar sem mætir því Keflavík í Blue-höllinni næstkomandi mánudag til að útkljá einvígið.
Stig Keflavíkur: Daniela Wallen 24 stig, Thelma Dís Ágústsdóttir 15 stig, Sara Rún Hinriksdóttir 13 stig, Birna Valgerður Benónýsdóttir 12 stig, Elisa Pinzan 7 stig, Emelía Ósk Gunnarsdóttir 6 stig og Anna Ingunn Svansdóttir 2 stig.
